८२ वर्षीय खम्बेको शव खोला किनारमा भेटियो

दाङ । ८२ वर्षीय वृद्धको शव खोला किनारमा फेला परेको छ। रोल्पाको लुङग्री गाउँपालिका - ६ घमरुकका ८२ बर्षीय खम्बे पुन मगरको शब धारावाङ खोलाको किनारमा फेला परेको जिल्ला प्रहरी कार्यालय रोल्पाले जानकारी दिएको छ।

प्रहरीका अनुसार खम्बे पुस २ गते दिउँसोदेखि सम्पर्कविहीन रहेका थिए । उनको शब घरदेखि झन्डै डेढ किलोमिटर उत्तर पूर्वमा पर्ने खोला किनारमा फेला परेको रोल्पा प्रहरीले जनाएको छ।

घर परिवार कसैलाई नसोधि उनी घर छोडी हिडेको भन्दै खोजीका लागि प्रहरीलाई खबर गरिएको थियो। खोजतलासका क्रममा प्रहरीले खम्बेको शव फेला पारेको हो।

घटनाबारे प्रहरीले थप अनुसन्धान गरिरहेको प्रहरीले जनाएको छ  भने शव आई पोष्टमार्टमका लागि जिल्ला अस्पताल रेउघामा राखिएको छ ।