बर्दियाको ओराली बजारमा ईभी गाडीको ठक्करबाट मोटरसाइकल सवार दुई युवकको मृत्यु

बर्दिया । बर्दियामा  ईभी गाडीले मोटरसाइकललाई ठक्कर दिंदा दुई युवकको मृत्यु भएको छ ।

प्रहरीका अनुसार ठक्करबाट गम्भीर घाइते भएका ठाकुरबाबा नगरपालिका –५ का २१ वर्षीय मोटरसाइकल चालक सुशिलकुमार थारु र पछाडि सवार सोही वडाका २५ वर्षीय करण थारुलाई जिल्ला अस्पताल बर्दिया लगिए पनि चिकित्कसले मृत घोषणा गरेका थिए ।

जिल्लास्थित मधुवन नगरपालिका–४ स्थित सडक खण्डमा ओरालीबाट ढोढरीतर्फ जाँदै गरेको बा प्र ०१–०३२ च ७५५३ नम्बरको ईभी गाडीले र विपरीत दिशाबाट आउँदै गरेको भे ११ प १९२३ नम्बरको मोटरसाइकल शुक्रबार राति पौने १० बजेतिर ओराली बजारमा ठक्कर दिएको प्रहरीले जनाएको छ।

प्रहरीले गाडी चालक मधुवन –४ ढोढरीका २३ वर्षीय विक्रम बोहोरालाई नियन्त्रणमा लिएको थप अनुसन्धान सुरु गरेको जानकारी दिएको छ।