शैक्षिक भ्रमणमा गएको बस दुर्घटना, चालकसहित ५ जनाको घटनास्थलमै मृत्यु

काठमाडौं । शैक्षिक भ्रमणमा गएको बस दुर्घटना हुँदा पाँच जनाको ज्यान गएको छ भने १२ जना घाइते भएका छन्।

जनकपुरबाट धरानको भेडेटारतर्फ शैक्षिक भ्रमणमा गएको को १ ख ७१११ नम्बरको बस आज दुर्घटनामा परेको हो। दुर्घटनामा चालकसहित पाँच जनाको घटनास्थलमै मृत्यु भएको सुनसरी प्रहरीले जनाएको छ।

घाइते १२ जनालाई उद्धार गरी धरानस्थित बीपी कोइराला स्वास्थ्य विज्ञान प्रतिष्ठानमा उपचारका लागि भर्ना गरिएको छ भने उनीहरूको अवस्था बारे थप विवरण आउन बाँकी रहेको प्रहरीले जनाएको छ।

कोशी प्रदेश प्रहरी कार्यालयका डीआईजी विनोद घिमिरेका अनुसार दुर्घटनाको कारणबारे अनुसन्धान सुरु गरिएको छ। घटनापछि स्थानीय प्रशासन र सुरक्षाकर्मीहरू उद्धार तथा व्यवस्थापनमा खटिएका थिए।