नालामा डुबेर १८ महिने बालकको मृत्यु

कैलाली । नालामा डुबेर १८ महिने बालकको मृत्यु भएको छ। कैलालीको भजनी नगरपालिका–७ चर्रामा नालामा जमेको पानीमा खसेर १८ महिनाका बालकको मृत्यु भएको प्रहरीले जानकारी दिएको छ।

प्रहरीका अनुसार स्थानीय बिपतराम कठरियाका १८ महिनाका छोरा अमन कठरिया घरको आँगनमा खेलिरहेका बेला नजिकैको नालामा जमेको पानीमा खसेका थिए।

नालामा खसेर गम्भीर घाइते भएकाअमनलाई उपचारका लागि प्राथमिक स्वास्थ्य केन्द्र भजनी लगिएको थियो। उपचारकै क्रममा उनको मृत्यु भएको प्रहरीले जनाएको छ।

कैलाली प्रहरीले घटनाबारे थप अनुसन्धान भइरहेको जानकारी दिएको छ।