५२ वर्षीय कालुराम मृत अवस्थामा भेटिए

कैलाली । कैलालीको लम्कीचुहा क्षेत्रमा एक पुरुष मृत अवस्थामा फेला परेका छन्। 

जिल्ला प्रहरी कार्यालय कैलालीका अनुसार लम्कीचुहा नगरपालिका–१, पूर्व लम्की क्षेत्रमा स्थानीय ५२ वर्षीय कालुराम जैशी बिहीबार राति  मृत भेटिएका हुन्।

प्रहरीले घटनाबारे जानकारी पाएपछि तत्काल टोली खटाएर प्रारम्भिक अनुसन्धान थालेको जनाएको छ।

मृतक लम्कीचुहा नगरपालिका–३ का बासिन्दा रहेको खुल्न आएको छ। घटनाको कारण खुल्न बाँकी रहेको र थप अनुसन्धान जारी रहेको प्रहरीले जनाएको  छ।