भालुबाङमा चितुवाको आक्रमण: दुई जना घाइते, प्रहरीको सक्रियतामा नियन्त्रणमा आयो चितुवा
दाङ । दाङको भालुबाङमा चितुवाको आक्रमणमा घाइते भएका दुई जनालाई प्रहरीले उद्धार गरेको छ।
जिल्ला प्रहरी कार्यालय दाङका अनुसार आज बिहान ११ बजे राप्ती गाउँपालिका-१ भालुबाङ अस्पताल नजिकै चितुवाको आक्रमणमा परेर घाइते भएका सोही स्थानकै ५९ वर्षीय तिलक खड्का र ३० वर्षीय सुशील बिष्ट घाइते भएका थिए।
दुई जना चितुवाको आक्रमणमा परेको खवर पाए लगत्तै घटनास्थलबाट ५ सय मिटर टाढा रहेको इलाका प्रहरी कार्यालय भालुबाङबाट प्रहरी वरिष्ठ हवल्दार मीन बहादुर भण्डारीको कमाण्डमा खटिएको ४ जनाको टोलीले घाइते दुबैको उद्धार गरेर अस्पताल पुर्याएको जिल्ला प्रहरी कार्यालय दाङले जनाएको छ।
दाङ प्रहरीका अनुसार तुरुन्तै प्रहरी र स्थानीयको सहयोगमा आक्रमण गर्ने चितुवालाई नियन्त्रणमा लिएर डिभिजन बन कार्यालय लमहीलाई बुझाइएको हो। चितुवाको आक्रमणमा परेका तिलकको ओठ र दाहिने हातमा चोट लागेको छ भने सुशिलको दाहिने हातमा चोट लागेको प्रहरीले जानकारी दिएको छ।
दुबैको भालुबाङ अस्पतालमा उपचार जारी रहेको जिल्ला प्रहरी कार्यालय दाङले जनाएको छ।
दुईवटा मोटरसाइकल ठोक्किएर आगलागी हुँदा एसईई दिएर फर्किदै गरेका ३ विद्यार्थीको मृत्यु
मंगलबार, चैत २४, २०८२
राप्तीसोनारीको डाँडाटेपरीमा दर्दनाक दुर्घटना: ५ वर्षीय बालकको घटनास्थलमै मृत्यु
शुक्रबार, चैत २०, २०८२
दुई किशोरी रुखमा झुन्डिएको अवस्थामा मृत फेला
बिहीबार, चैत १९, २०८२
चट्याङ लागेर ३२ वर्षीय युवकको मृत्यु, एकजना घाइते
बुधबार, चैत १८, २०८२- लोक सेवा पास गराइदिने भन्दै ठगी गर्ने पवन पक्राउ, खातामा करोडौँ रकम जम्मा
- बर्दियाको मधुवनबाट अवैध सालका काठसहित दुई जना पक्राउ, अटो बरामद
- दाङमा अवैध ढुंगा–बालुवा ओसारपसारमा संलग्न १३ सवारी नियन्त्रणमा, २१ फरार प्रतिवादी पक्राउ
- कपिलवस्तुमा घाइते युवकको मृत्यु प्रकरण: भ्रामक सूचना फैलाउनेमाथि कारबाहीको चेतावनी
- दुईवटा मोटरसाइकल ठोक्किएर आगलागी हुँदा एसईई दिएर फर्किदै गरेका ३ विद्यार्थीको मृत्यु
