उपरथीमा पदोन्नति भएका दुई अधिकृतलाई दर्ज्यानी चिन्ह प्रदान

काठमाडौँ । नेपाली सेनाको सहायक रथी पदबाट उपरथी दर्जामा पदोन्नति भएका दुई सैनिक अधिकृतलाई दर्ज्यानी चिन्ह प्रदान गरिएको छ।

नेपाल सरकारको गत चैत २२ गतेको निर्णयअनुसार पदोन्नति भएका सहायक रथी पदम बहादुर बुढा (पीएचडी) र सहायक रथी पवन खत्रीलाई शुक्रबार सैनिक मुख्यालय जंगी अड्डामा आयोजित विशेष समारोहका बीच दर्ज्यानी चिन्ह प्रदान गरिएको हो।

प्रधान सेनापति महारथी अशोकराज सिग्देलले दुवै अधिकारीलाई उपरथीको दर्ज्यानी चिन्ह प्रदान गर्दै सफल कार्यकालको शुभकामना व्यक्त गरेका थिए। पदोन्नतिसँगै उनीहरूले नयाँ जिम्मेवारी सम्हाल्ने नेपाली सेनाले जनाएको छ।

उक्त समारोहमा सेनाका बलाधिकृत, रथी तथा अन्य वरिष्ठ अधिकृतहरूको उपस्थिति रहेको थियो।