बाँकेमा ३० लाखको अवैध सागा च्याउसहित ट्याक्टर सशस्त्र प्रहरीको नियन्त्रणमा
बाँके। बाँकेको डुडुवा गाउँपालिका–१ पाँजाचौफेरी क्षेत्रमा सशस्त्र प्रहरी बल, नेपाल नं. ३० गण मुख्यालय बागेश्वरीबाट खटिएको टोलीले भारतबाट अवैध रूपमा नेपाल भित्र्याइँदै गरेको ठूलो परिमाणमा सागा च्याउ (फुड सप्लिमेन्ट) बरामद गरेको छ।
आज ५ बजे विशेष सूचनाको आधारमा गरिएको चेकजाँचका क्रममा भे २ त २३५ नम्बरको ट्याक्टरमा लोड गरी ल्याइँदै गरेको ६२० केजी (२० कार्टुन) सागा च्याउ फेला पारिएको सशस्त्र प्रहरीले जानकारी दिएको छ।
बरामद गरिएको सागा च्याउको अनुमानित मूल्य २१ लाख र प्रयोग गरिएको ट्याक्टरको मूल्य ९ लाख गरी जम्मा ३० लाख बराबरको सामान रहेको सशस्त्र प्रहरीले जनाएको छ।
उक्त सामान आवश्यक कानुनी कारबाहीका लागि नेपालगञ्ज भन्सार कार्यालयमा बुझाइएको छ। यस सम्बन्धमा थप अनुसन्धान भइरहेको जनाइएको छ। हाल सशस्त्र प्रहरी बल नं. ३० गण बागेश्वरी बाँकेमा एसपी भीम बहादुर चन्दको कमाण्ड भएसँगै सीमा नाकामा सशस्त्र प्रहरी निकै कडाइ गरिरहेको छ।
ड्युटीमा रहेका सशस्त्र प्रहरीमाथि हातपात गर्ने गाउँपालिका उपाध्यक्ष पक्राउ
सोमबार, चैत २३, २०८२
सशस्त्र प्रहरीका इन्स्पेक्टर ४० हजार घुससहित अख्तियारको नियन्त्रणमा
शुक्रबार, चैत २०, २०८२- नेपालगन्जमा यात्रुलाई दुःख हैरानी दिने १८ जना बाँके प्रहरीको नियन्त्रणमा
- बाँकेमा ३० लाखको अवैध सागा च्याउसहित ट्याक्टर सशस्त्र प्रहरीको नियन्त्रणमा
- मुद्दा शाखाका नायब सुब्बा १५ हजार घुससहित पक्राउ, थप ७७ हजार रुपैयाँ बरामद
- स्रोत नखुलेको लाखौं रुपैयाँसहित दुई जना प्रहरीको नियन्त्रणमा
- पोर्चुगल पठाउने भन्दै ५ लाख ठगी गरेको आरोपमा एक महिला पक्राउ
