रोल्पा जीप दुर्घटना: मृतकको संख्या २० पुग्यो

रोल्पा। रोल्पामा जीप दुर्घटनामा परि २० जनाको मृत्यु भएको छ । दुर्घटनामा परि २० जनाको मृत्यु भएको जिल्ला प्रहरी प्रमुख डिएसपी वीरेन्द्रबहादुर विश्वकर्माले बताए ।

दिउँसो करिब पौने ३ बजेतिर रुकुम पूर्वको सिस्ने गाउँपालिकाबाट बैशाख । अबशरमा जलजलामा लाग्ने ठूलो मेलाका लागि गइ रहेको लु १ ज ४१६७ नम्बरको बोलेरो जिप थवाङ गाउँपालिका – १ सल्यापबाट जीप झन्डै ८ सय मिटर मुनी खसेको थियो ।

घटनास्थल जटिल भूगोल हु्नुका साथै पानी परि रहेको हुँदा उद्धार कार्यमा ढिलाइ भएको डिएसपी विश्वकर्माले बताए ।

यसैबीच रोल्पाको प्रसिद्ध धार्मिक स्थल जलजलातर्फ जाँदै गरेको तीर्थयात्री बोकेको जिप दुर्घटनामा परी यात्रुरुको ज्यान गएको घटनाप्रति लुम्बिनी प्रदेशका मुख्यमन्त्री चेतनारायण आचार्यले गहिरो दुःख व्यक्त गरेका छन ।

घटनाप्रति प्रतिक्रिया दिँदै मुख्यमन्त्री आचार्यले यस दुःखद दुर्घटनाले आफूलाई स्तब्ध बनाएको बताए । उनले मृतकप्रति श्रद्धाञ्जली अर्पण गर्दै शोकसन्तप्त परिवारजनप्रति गहिरो समवेदना व्यक्त गरेका छन ।