इँटा भट्टामा ट्याक्टरको ठक्करबाट दुई जनाको मृत्यु, बालिका घाइते

कञ्चनपुर  ।   इँटा भट्टामा ट्याक्टको ठक्करबाट हुँदा दुई जनाको मृत्यु भएको छ भने एक बालक गम्भीर घाइते भएका छन्।

कञ्चनपुरको पुनर्वास नगरपालिका–७ स्थित ‘च गाउँ’मा रहेको न्यू इँटा भट्टामा गएराति काँचो इँटामा पानी हाल्ने क्रममा से १ त ८८७६ नम्बरको ट्याक्टरले ठक्कर दिँदा भारतको उत्तरप्रदेशस्थित बहराइच जिल्लाका २७ वर्षीय अजय कुमार र ९ वर्षीय पवन कुमारको मृत्यु भएको प्रहरीले जनाएको छ।

ठक्करबाट गम्भीर घाइते भएका उनीहरूलाई उपचारका लागि धनगढी लगिएका उनीहरूमध्ये अजयको सेती प्रादेशिक अस्पतालमा र पवनको नवजीवन अस्पतालमा उपचारका क्रममा मृत्यु  भएको प्रहरीले जनाएको छ।

ठक्करबाट ११ वर्षीया घुर्रा कुमार गम्भीर घाइते भएकी छन् र उनको सेती प्रादेशिक अस्पतालमा उपचार भइरहेको छ।दुर्घटनापछि चालक फरार रहेका छन् र उनको पहिचान खुल्न सकेको छैन। घटनाबारे प्रहरीले थप अनुसन्धान गरिरहेको जनाएको छ।