न्यूरोडबाट ६ करोडको २८ हजारभन्दा बढी भेप बरामद, एक जना पक्राउ

काठमाडौँ । प्रहरीले राजधानीको न्युरोड क्षेत्रबाट साढे २८ हजार बढी भेप (इलेक्ट्रोनिक चुरोट) बरामद गरेको छ।

विशेष अपरेसनका क्रममा काठमाडौं उपत्यका अपराध अनुसन्धान कार्यालय टेकुले आरबी कम्प्लेक्सभित्र सञ्चालनमा रहेको ‘स्माइल योर च्वाइस’ नामक पसल तथा सोही स्थानका दुई वटा गोदाम छापा मार्दा २८ हजार ५ सय थान भेप बरामद गरेको प्रहरीले जानकारी दिएको छ।

बरामद गरिएका सामग्रीहरू नियन्त्रणमा लिएर टेकुस्थित कार्यालयमा राखिएको प्रहरीले जनाएको छ।

यस प्रकरणमा संलग्न रहेको आरोपमा ललितपुर महालक्ष्मी  नगरपालिका–८ का ३२ वर्षीय नवीन खड्कालाई प्रहरीले नियन्त्रणमा लिएको छ। प्रारम्भिक अनुसन्धानअनुसार ती भेपहरू अवैध रूपमा कारोबार तथा बाहिर पठाउने तयारीमा राखिएको पाइएको छ।

बरामद गरिएको भेपको अनुमानित बजार मूल्य करिब ६ करोड रुपैयाँ बराबर रहेको प्रहरीको भनाइ छ। घटनाबारे थप अनुसन्धान जारी रहेको प्रहरए जनाएको छ।