कर्तव्य ज्यान मुद्दाका फरार प्रतिवादी खजुराबाट इप्रका धनौलीको नियन्त्रणमा

खजुरा। बाँके प्रहरीले कर्तव्य ज्यान मुद्दामा फरार रहेका एक प्रतिवादीलाई पक्राउ गरेको छ।

जिल्ला प्रहरी कार्यालय बाँकेका अनुसार खजुरा गाउँपालिका–७ की सोनापतिया अहिरले दिएको जाहेरीका आधारमा इलाका प्रहरी कार्यालय धनौलीमा दर्ता भएको कर्तव्य ज्यान मुद्दामा फरार रहेका सोही स्थानका लजिराम अहिरलाई पक्राउ गरिएको हो।

इलाका प्रहरी कार्यालय धनौली,खजुराबाट खटिएको प्रहरी टोलीले जेठ २१ गते खजुरा गाउँपालिका–५ बाट उनलाई नियन्त्रणमा लिएको जनाएको छ।

पक्राउ परेका अहिरविरुद्ध बाँके जिल्ला अदालतबाट तीन दिनको म्याद थप गरी धनौली प्रहरीले अनुसन्धान गरिरहेको जिल्ला प्रहरी कार्यालय बाँकेले जनाएको छ।