चार फरार प्रतिवादी पक्राउ बाँके प्रहरीको नियन्त्रणमा

बाँके । बाँके प्रहरीले विभिन्न मुद्दामा अदालतबाट फैसला भई फरार रहेका ४ जना प्रतिवादीलाई पक्राउ गरेको छ।

फैसला कार्यान्वयनलाई प्रभावकारी बनाउने अभियानअन्तर्गत जिल्ला प्रहरी कार्यालय बाँकेबाट खटिएको प्रहरी टोलीले उनीहरूलाई पक्राउ गरेको हो।

प्रहरीका अनुसार पक्राउ परेका प्रतिवादीहरूबाट कुल २ महिना २१ दिन कैद तथा ६ हजार ७ सय ५० रुपैयाँ जरिवाना असुलउपर हुने रहेको छ।

पक्राउ परेका चारै जनालाई आवश्यक कारबाहीका लागि सम्बन्धित निकायमा बुझाइएको जिल्ला प्रहरी कार्यालय बाँकेले जनाएको छ।