भुमि प्रशासन कार्यालय र पुष्पलाल चोकमा ठगी तथा हैरान गर्ने ६ जना पक्राउ

नेपालगञ्ज । बाँकेको नेपालगञ्ज उपमहानगरपालिका क्षेत्रभित्र सेवाग्राही तथा यात्रुलाई दुःख हैरानी दिँदै ठगी गर्ने कार्यमा संलग्न ६ जनालाई प्रहरीले पक्राउ गरेको छ।

जिल्ला प्रहरी कार्यालय बाँकेका अनुसार भुमि  प्रशासन कार्यालय (साविक मालपोत कार्यालय) परिसर तथा पुष्पलाल चोक क्षेत्रमा सेवाग्राही र यात्रुलाई अनावश्यक दुःख हैरानी दिने तथा ठगी गर्ने गतिविधिमा संलग्न रहेका उनीहरूलाई शुक्रबार नियन्त्रणमा लिइएको हो।

पक्राउ परेका व्यक्तिहरूमाथि आवश्यक अनुसन्धान तथा कानुनी कारबाही प्रक्रिया अगाडि बढाइएको प्रहरीले जनाएको छ।