ग्रिनेड विस्फोटमा नेपाली सेनाका हुद्दाको मृत्यु,क्याप्टेन घाइते

कैलाली । सुदूरपश्चिम पृतना तालिम शिक्षालयस्थित गोराङ्गे ब्यारेकबाट बिहीबार बिहान ९ः१७ बजे फायरिङ अभ्यासका लागि खटिएका नेपाली सेनाका हुद्दाको ग्रिनेड विस्फोटमा परी मृत्यु भएको छ।

अभ्यासका क्रममा ग्रिनेड पड्काउने क्रममा सैनिक हुद्दा बिष्ट गम्भीर घाइते भएका थिए। विस्फोट हुँदा उनको दाहिने हातको हत्केला च्यातिनुका साथै शरीरका विभिन्न भागमा छर्रा लागेको थियो।

गम्भीर अवस्थामा रहेका उनलाई तत्काल उपचारका लागि लगिएको भए पनि उपचारकै क्रममा १२ बजे ज्यान गएको जनाइएको छ।

सोही घटनामा नजिकै रहेका सहसेनानी (क्याप्टेन) हिमराज जोशी पनि छर्रा लागेर घाइते भएका छन् । उनको अवस्था सामान्य रहेको तिमिल्सिनाले बताए । उनलाई हेलिकप्टरबाट थप उपचारका लागि काठमाडौं लगिएको छ।

घटनाबारे नेपाली सेनाले थप अनुसन्धान गरिरहेको छ।