प्रहरीका एआईजी श्रेष्ठ र सशस्त्रका एआईजी ठाडामगरलाई जनकपुर पठाइयो

काठमाडौँ । सुनसरीबाट सुरु भएको आन्दोलन मधेस प्रदेशका विभिन्न जिल्लामा फैलिन थालेपछि सुरक्षा निकायले सतर्कता बढाएको छ। अवस्थाको प्रत्यक्ष अनुगमन तथा सुरक्षा समन्वयका लागि नेपाल प्रहरी र सशस्त्र प्रहरी बलका वरिष्ठ अधिकारीहरू जनकपुर खटाइएका छन्।

गृह मन्त्रालय स्रोतका अनुसार नेपाल प्रहरीका एआईजी हिमालय श्रेष्ठ र सशस्त्र प्रहरी बलका एआईजी गणेश ठाडामगर जनकपुर पुगेर सुरक्षा व्यवस्थाको नेतृत्व गरिरहेका छन्।

प्रदर्शनको प्रभावलाई ध्यानमा राख्दै सप्तरीदेखि पर्सासम्मका जिल्लामा सुरक्षा व्यवस्था कडा पारिएको छ। सम्भावित अप्रिय घटना रोक्न अतिरिक्त सुरक्षा परिचालनसमेत गरिएको जनाइएको छ।

यस्तै, बारा र पर्सा जिल्लाको सुरक्षा समन्वयको जिम्मेवारी नेपाल प्रहरीका एसएसपी होबिन्द्र बोगटीलाई दिइएको छ।

प्रहरी प्रधान कार्यालयस्थित राजमार्ग सुरक्षा तथा ट्राफिक व्यवस्थापन महाशाखामा कार्यरत रहेका बोगटीलाई विशेष जिम्मेवारीसहित मधेस पठाइएको हो।