नेपाली सेनाको नयाँ तलबमान लागू, कसको कति पुग्यो?

काठमाडौं । नेपाल सरकारले नेपाली सेनातर्फका कर्मचारीहरुको पनि नयाँ तलबमान सार्वजनिक गरेको छ। सरकारले  साउन १ गतेदेखि लागू हुने गरी नेपाली सेनाका विभिन्न दर्जाका सैनिक तथा अधिकृतहरूको नयाँ तलबमान निर्धारण गरेको हो।

नयाँ तलबमानअनुसार नेपाली सेनाका प्रधान सेनापतिको मासिक तलब ९० हजार ५९४ रुपैयाँ कायम गरिएको छ। प्रधान सेनापतिको सुरुवाती तलब ८४ हजार ९३२ रुपैयाँ रहेकोमा दुई ग्रेड थपिएपछि उक्त रकम कायम भएको हो।

यस्तै, रथीको मासिक तलब ८७ हजार ८५ रुपैयाँ र उपरथीको ८४ हजार ५७६ रुपैयाँ निर्धारण गरिएको छ। सहायक रथीले ७८ हजार २२० रुपैयाँ, महासेनानीले ७२ हजार ८७६ रुपैयाँ र प्रमुख सेनानीले ६९ हजार ९ रुपैयाँ मासिक तलब पाउने भएका छन्।

त्यसैगरी, सेनानीको तलब ६७ हजार ९०७ रुपैयाँ, सह–सेनानीको ६२ हजार ३१५ रुपैयाँ, उप–सेनानीको ५९ हजार ५३७ रुपैयाँ तथा सहायक सेनानीको ४८ हजार ५८ रुपैयाँ कायम गरिएको छ। सरकारले सार्वजनिक गरेको नयाँ तलबमान साउन १ गतेदेखि लागू हुने जनाइएको छ। यससँगै नेपाली सेनाका सबै दर्जाका सैनिकहरूले संशोधित तलब तथा सम्बन्धित सेवा–सुविधा प्राप्त गर्नेछन्।

नयाँ तलबमान तथा सेवा–सुविधाको विस्तृत विवरण अर्थ मन्त्रालयले सार्वजनिक गरेको तलको तालिकामा उल्लेख गरिएको छ।