भोटेकोशी बाढी : हालसम्म ७५२ शव भेटिए, २ हजार ५०२ अझै सम्पर्कविहीन

काठमाडौं । रसुवाको भोटेकोशीमा आएको विनाशकारी बाढीपछि बेपत्ता भएका व्यक्तिको खोजीका क्रममा हालसम्म ७५२ जनाको शव फेला परेको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणले आइतबार दिउँसो सार्वजनिक गरेको विवरणअनुसार विभिन्न आठ जिल्लाबाट ती शव फेला परेका हुन्।

सबैभन्दा धेरै चितवनमा २५९ र नवलपरासी पूर्वमा १८४ जनाको शव भेटिएको छ। त्यस्तै नवलपरासी पश्चिममा १००, गोरखामा ५८, नुवाकोटमा ५२, धादिङमा ५०, तनहुँमा ३६ र रसुवामा १३ जनाको शव फेला परेको प्राधिकरणले जनाएको छ।

बाढी प्रभावित क्षेत्रबाट हालसम्म ८ हजार ७३० जनाको उद्धार गरिएको छ। तर अझै २ हजार ५०२ जना सम्पर्कविहीन रहेको प्राधिकरणको तथ्यांक छ। सम्पर्कविहीनको खोजी तथा उद्धार कार्य अझै जारी रहेको जनाइएको छ।