भोटेकोशी बाढी: सोमबार दिउँसोसम्म ९ सय १९ शव फेला

काठमाडौं । रसुवामा आएको विनाशकारी बाढीका कारण विभिन्न जिल्लामा गरी ९१९ जनाको शव फेला परेको छ।

प्रहरीका अनुसार सोमबार दिउँसो १ बजेसम्म रसुवामा २४, नुवाकोटमा ९५, धादिङमा ५५, चितवनमा २७९, गोरखामा ६२, तनहुँमा ३७, नवलपरासी पूर्वमा २१२ र नवलपरासी पश्चिममा १५५ जनाको शव फेला परेको हो।

बाढी प्रभावित तथा जोखिममा रहेका विभिन्न जिल्लाका परिवारलाई प्रहरीले सुरक्षित स्थानमा स्थानान्तरण गरिरहेको जनाएको छ। साथै विभिन्न निकाय र स्थानीयवासीसँगको समन्वयमा उद्धार तथा खोजी कार्यलाई निरन्तरता दिइएको छ।

बाढीका कारण अवरुद्ध भएका सडक तथा बाटो खुलाउने कामसमेत भइरहेको प्रहरीले जनाएको छ।