श्रीमती र अर्का पुरुष मिलेर श्रीमानको हत्या, दुवै जना पक्राउ

मोरङ । मोरङको जहदा गाउँपालिकामा श्रीमती र अर्का एक पुरुष मिलेर श्रीमानको हत्या गरेको आरोपमा प्रहरीले दुई जनालाई पक्राउ गरेको छ ।

जहदा गाउँपालिका–२ मोहनपुरका ४० वर्षीय बुधराम सोरेनको हत्या गरेको अभियोगमा उनकी ३५ वर्षीया श्रीमती कमली बास्के र भारतको बिहार कटिहार निवासी २७ वर्षीय सुनिल मिश्र पक्राउ परेका हुन् ।

प्रहरीका अनुसार उनीहरूले बुधराममाथि रड प्रहार गर्दा आइतबार राति घटनास्थलमै उनको मृत्यु भएको थियो । घटनाबारे जानकारी प्राप्त हुनासाथ प्रहरी चौकी मझारेबाट खटिएको टोलीले दुवै जनालाई नियन्त्रणमा लिएको हो ।

घटनाको कारण खुल्न बाँकी रहेको छ । यस सम्बन्धमा प्रहरीले थप अनुसन्धान गरिरहेको जनाएको छ ।