नेभिगेशन
नेपाल प्रहरी

भ्रष्टाचार मुद्दाका फरार प्रतिवादी बाँकेबाट पक्राउ, १ वर्ष ६ महिना कैद र ८ लाख ३१ हजार जरिवाना

बाँके । भ्रष्टाचार मुद्दामा सर्वोच्च अदालतबाट दोषी ठहर भई कैद तथा जरिवानाको सजाय सुनाइएका एक फरार प्रतिवादीलाई बाँके प्रहरीले पक्राउ गरेको छ ।

साविक कालिकोट जिल्लाको थिर्पु गाविस–४ घर भई हाल बाँकेको कोहलपुर नगरपालिका–३, मैटहवामा बस्दै आएका जयलाल न्यौपानेलाई प्रहरीले पक्राउ गरेको जिल्ला प्रहरी कार्यालय बाँकेले जनाएको छ।

 बाँके प्रहरीका अनुसार   सर्वोच्च अदालतको फैसलाअनुसार न्यौपानेलाई भ्रष्टाचार मुद्दामा १ वर्ष ६ महिना कैद र ८ लाख ३१ हजार ७ सय ३१ रुपैयाँ जरिवाना भुक्तान गर्नुपर्ने थियो । तर, फैसलापछि पनि उनी हालसम्म लुकिछिपी फरार रहँदै आएका थिए ।

जिल्ला प्रहरी कार्यालय बाँकेबाट खटिएको प्रहरी टोलीले उनलाई मंसिर ३ गते पक्राउ गरी आवश्यक कारबाही तथा सजाय कार्यान्वयनका लागि सम्मानित जिल्ला अदालत बाँकेमा बुझाएको बाँके प्रहरीले   जनाएको छ ।

प्रकाशित मिति:
प्रतिक्रिया दिनुहोस्