सफाइ पाएपछि निलम्बित न्यायाधीश भुवन गिरी कारागारबाट रिहा

काठमाडौँ । निलम्बित न्यायाधीश भुवन गिरी कारागारबाट रिहा भएका छन् । वैवाहिक बलात्कार मुद्दामा सफाइ पाएपछि निलम्बित न्यायाधीश गिरी डिल्लीबजार कारागारबाट छुटेको कारागार प्रशासनले जनाएको छ । 

न्यायाधीश गिरी सोमबार कारागारबाट छुटेको कारागार कार्यालयले जानकारी दिएको छ। उच्च अदालत पाटनले निलम्बित न्यायाधीश गिरीलाई आइतबार वैवाहिक बलात्कार कसुरमा सफाइ दिएको थियो ।

उच्च अदालत पाटनका न्यायाधीश डिल्लीरत्न श्रेष्ठ र लालबहादुर कुँवरको इजलासले गिरीलाई  सफाइ दिएको हो।। न्यायाधीश गिरीलाई यसअघि काठमाडौँ जिल्ला अदालतले २०८१ जेठमा दोषी ठहर गरेको थियो । 

पत्नीले वैवाहिक बलात्कारको जाहेरी दिएपछि न्यायाधीश गिरीलाई न्याय परिषद्ले निलम्बन गरेको थियो ।