सुर्खेतको वीरेन्द्रनगरबाट ब्राउन सुगरसहित दुई युवक पक्राउ

सुर्खेत । प्रहरीले सुर्खेतबाट ब्राउन सुगरसहित दुई युवकलाई पक्राउ गरेको छ। जिल्ला प्रहरी कार्यालय सुर्खेतको   टोलीले आज साँझ सुर्खेत बजारबाट ६ सय ३० मिलिग्राम ब्राउन सुगरसहित दुई युवकलाई पक्राउ गरेको हो।

सुर्खेत प्रहरीका अनुसार पक्राउ पर्नेमा वरिन्द्रनगर नगरपालिका-७ ईत्राम बस्ने २७ वर्षीय विक्रम पुलामी मगर र वडा नम्बर १२ चनौटेका २३ वर्षीय हिमाल राना मगर रहेका छन।

प्रहरीले विक्रमलाई आज अपराह्न ४ बजे वीरेन्द्रनगर नगरपालिका-७ खारखोली मिलिजुली टोलबाट ९० मिलिग्राम र हिमाललाई चनौटेबाट साँझ सवा ५ बजे ५ सय ४० मिलिग्राम ब्राउन सुगरसहित पक्राउ गरेको हो।

सुर्खेत प्रहरीले ब्राउन सुगरसहित पक्राउ परेका विक्रम र हिमाललाई हिरासतमा लिएर लागुऔषध कसुरमा थप अनुसन्धान सुरु गरेको जानकारी दिएको छ।