चितवनमा खुर्पाले हानेर आफ्नै छोरी र भतिजको हत्या

चितवन । चितवनमा एक व्यक्तिले आफ्नै छोरी र दाजुको छोरा (भतिज) को हत्या गरेका छन् । 

भरतपुर महानगरपालिका-२५ स्थित शुक्रनगरमा  ४२ वर्षीय लिलाराज गिरीले दाजु दया गिरीको छोरा अन्दाजी ७ वर्षीय  सजन गिरी र आफ्नी छोरी प्रभालाई खुर्पा प्रहार गरेर हत्या गरेको जिल्ला प्रहरी कार्यालय चितवनले जानकारी दिएको छ।

प्रहरीका अनुसार लिलाराजको खुर्पा प्रहारबाट गम्भीर घाइते भएका भतिज सजन र छोरी प्रभाको चितवन मेडिकल कलेज भरतपुरमा उपचारका क्रममा आज बिहान मृत्यु भएको हो ।

भतिज र छोरीलाई खुर्पा प्रहार गरेपछि लिलाराजले आफ्नै घाँटी रेटेका थिए । उनको गम्भीर अवस्थामा उपचार जारी रहेको चितवन प्रहरीले जानकारी दिएको छ।

लिलाराज गम्भीर घाइते भएका कारण घटनाको कारण अझै खुल्न नसकेको प्रहरीले जानकारी दिदै थप अनुसन्धान भइरहेको जिल्ला प्रहरी कार्यालय चितवनले जनाएको छ।