सडकमै महिलालाई प्रसूति गराउन सहयोग गरेकी महिला प्रहरी जवान सम्मानित

कैलाली । जिल्ला प्रहरी कार्यालय कैलालीले एक जना महिला प्रहरीलाई सम्मानित गरेको छ । 

कैलालीस्थित  अस्थायी प्रहरी पोष्ट खैरानामा कार्यरत प्रहरी जवान चन्द्रिका देउवालाई प्रसंशा पत्र सहित एसपी बालनर सिंह राणाले सम्मानित गरेका हुन् ।

प्रहरी जवान देउवाले बझाङको थलारा गाउँपालिकाकी चन्द्रा आचार्यलाई सडकमै प्रसूति हुन सहयोग गरेका कारण एसपी राणाले आज उनलाई प्रशंसा पत्रसहित सम्मान गरेको कैलाली प्रहरीले जानकारी दिएको छ।