सहकारीको पैसा नतिरेर फरार रहेका एमाले नेता अर्याल पक्राउ

काठमाडौं । सहकारी मुद्दामा अदालतबाट दोषी ठहर भएर फरार रहेका नेकपा एमालेका नेता कृष्ण बहादुर अर्याल पक्राउ परेका छन् ।

दिगो पर्यटन सहकारी संस्था लिमिटेडबाट लिएको ऋण नतिरी फरार रहेका ललितपुरको सानेपा बस्ने अर्याललाई  काठमाडौं उपत्यका अपराध अनुसन्धान कार्यालयको टोलीले पक्राउ गरेको हो । 

अदालतले अर्याललाई सोही कसुरमा २७ असार २०८० मा  साढे ११ लाखको बिगोको फैसला सुनाइएको थियो। उक्त फैसलाको अटेर गर्दै अर्यालले बिगो रकम नतिरेर फरार भएपछि अदालतले १ वर्ष कैदमा राख्नु भन्ने पत्र रहेकाले प्रहरीले अर्याललाई पक्राउ गरेको हो।

अर्याल नेकपा एमालेको पर्यटन विभाग सदस्य हुन् । उनी एमालेबाट नेपाल पर्यटन बोर्ड सदस्य समेत भएका थिए ।हाल अर्याल पार्टीको पेसागत विशेष प्रदेश कमिटी सदस्यसमेत हुन् ।