खुकुरी प्रहारबाट २८ वर्षीय युवकको हत्या

काठमाडौं । ताप्लेजुङको फुङलिङ नगरपालिका-६ बस्ने २८ बर्षीय तेजेन्द्र लिम्बुको हत्या गरेको आरोपमा सोही ठाउँ बस्ने ३२ वर्षीय अर्जुन गुरूङलाई प्रहरीले पक्राउ गरेको छ ।  

फक्ताङलुङ गाउँपालिका-३ स्थित फुपु योगमाया लिम्बुको घरमा पाहुना आएका अर्जुन र उनकै श्रीमती सरिता लिम्बुबीच विवादको क्रममा झगडा भएकोमा फुपुले सम्झाई बुझाई दुबै जनालाई छिमेकी तेजेन्द्रको साथ लगाई उनीहरूकै घर पठाएकोमा घर फर्कने क्रममा बाटोमा तेजेन्द्रलाई अर्जुनले खुकुरी प्रहार गर्दा घटनास्थलमै मृत्यु भएको थियो ।

घटना पश्चात फरार रहेका अर्जुनलाई जिल्ला प्रहरी कार्यालय ताप्लेजुङबाट खटिएको प्रहरीले फुङलिङ नगरपालिका-९ स्थित भिरकुना जंगलबाट पक्राउ गरेको हो । 

यस सम्बन्धमा प्रहरीले आवश्यक अनुसन्धान गरिरहेको जानकारी दिएको च।  घटना मंगलबार राति हुँदा अर्जुनलाई प्रहरीले बुधबार पक्राउ गरेको थियो।