११ वर्षीया बालिकाको सामुहिक बलात्कारपछि हत्या गर्ने ५ जना पक्राउ, पहिलै बनेको थियो योजना

काठमाडौं । सामूहिक बलात्कारपछि सिन्धुपाल्चोकमा  ११ वर्षीया बालिकाको हत्या गरेको आरोपमा ५ जनालाई पक्राउ गर्दै आज सार्वजनिक गरेको छ ।

सिन्धुपाल्चोक प्रहरीले दिएको जानकारी अनुसार असार १० गते भोटेकोशी गाउँपालिका- ५ को स्थानीय जंगलमा ११ वर्षीया बालिका एकाएक बेपत्ता भएकी थिइन । उनको शव असार ११ गते स्थानीय जंगलमा फेला परेको परेको थियो। प्रहरीले उनको बलात्कार पछि हत्या भएको हुनसक्ने भन्दै  तालिम प्राप्त कुकुर ल्याएर घटना अनुसन्धान गरेको थियो ।

प्रहरीले शब पोष्टमार्टकाको लागि काठमाडौं टिचिङ हस्पिटलमा पठाएको थियो ।बलात्कारपछि हत्या गरेको आरोपमा प्रहरीले भोटेकोशीका २१ वर्षीय निमा तेन्जिङ तामाङ, २२ वर्षीय वाङनिमा तामाङ, ३२ वर्षीय नामग्याल शेर्पा, २० वर्षीय दावा तामाङ र २२ वर्षीय लाक्पा पासाङ तामाङलाई प्रहरीले आज सार्वजनिक गरेको हो ।

जिल्ला प्रहरी कार्यालयका प्रमुख एसपी रामेश्वर कार्कीले राति साढे १० बजेतिर उनीहरुले मकै बारीमा बालिकालाई सामुहिक बलात्कार गर्दा बेहोस भएको र त्यसपछि पोल खुल्ने डरले हत्या गरेको जानकारी दिएका छन् ।

सुरुमा उनीहरुले घाँटी अठ्याएको र त्यसपछि मरेको एकीन गर्न भीरबाट फाल्दापनि रुखमा अड्किएपछि ढुँगाले अनुहारमा हिर्काएको प्रहरीले जानकारी दिएको छ ।

टिकटक हेर्न दिने भनेर एक जना गाउँकै चिनजानका आफन्तसमेत पर्ने युवकले ती बालिकालाई बेलुका घरबाट फोन गरि बोलाएका थिए । त्यसपछि उनीहरुले बालिकालाई पसलमा चुरोट पनि किन्न पठाएका थिए ।

चुरोट किनेर ल्याउँदा उनीहरु मदिरा सेवन गरि मकै बारीमा बसेका थिए । प्रहरीका अनुसार उनीहरुले केही दिन पहिले नै कन्डोमसमेत ल्याएर राखेको हुँदा बलात्कारको योजना पहिले नै बुनेको पाइएको छ । प्रहरीले उनीहरुसँग घटनाबरे थप अनुसन्धान गरिरहेको जनाएको छ।