७ वर्षीया बालिकाको बलात्कारपछि हत्या, काका प्रहरीको नियन्त्रणमा

काठमाडौं । ७ वर्षीया बालिकाको बलात्कारपछि हत्या भएको छ। मोरङको धनपालथान गाउँपालिका- ५ रङपुरको वैरियास्थित श्री दुर्गा आधारभूत विद्यालय नजिक ती ७ वर्षीया बालिका हत्या भएको अवस्थामा 
फेला परेको प्रहरीले जानकारी दिएको छ।

 ती बालिकाको बलात्कारपछि हत्या गरेको आरोपमा प्रहरीले काका नाता पर्ने २२ वर्षीय युवकलाई पक्राउ गरेको जानकारी दिएको छ। 
 
मोरङ प्रहरीका अनुसार ती बालिका राति आमाबुबासँगै सुतेकी थिइन् । तर, बिहान करिब ३ बजेतिर आमबुबाले आफूहरूसँग छोरी नभएको थाहा पाएका थिए । त्यसपछि उनीहरूले तत्काल नै प्रहरीमा खबर गरेका थिए । 

प्रहरीको प्रारम्भिक अनुसन्धानमा बालिकालाई बलात्कार गरेपछि हत्या गरेर उक्त ठाउँमा फालेको खुलेको जिल्ला प्रहरी कार्यालय मोरङले जनाएको छ।

मोरङ प्रहरीले काका नाता पर्ने युवकलाई कर्तव्य ज्यान मुद्दा र हाडनाता करणी मुद्दामा मोरङ जिल्ला अदालतबाट म्याद थप गरेर अनुसन्धान प्रक्रिया अगाडि बढाएको प्रहरीले जानकारी दिएको छ।