बालगृहमा बसेकी बालिकालाई पटकपटक बलात्कार गरेको आरोपमा बालगृहका प्रमुख अधिकृत पक्राउ

काठमाडौं । बालगृहमा रहेकी बालिकालाई बलात्कार गरेको आरोपमा प्रहरीले सोही बालगृहका प्रमुख अधिकृतलाई पक्राउ गरेको छ। 

मकवानपुरको कैलाश गाउँपालिका-३ मा सांग्रिला डेभलपमेन्ट एसोसिएसनले सञ्चालन गरेको  बालगृहमा विगत ४ वर्षदेखि बस्दै आएकी १७ वर्षीया बालिकालाई पटकपटक बलात्कार गरेको उजुरीका  आधारमा बालगृहका प्रमुख अधिकृत ४८ वर्षीय मधुसुदन राउतलाई पक्राउ गरेको मकवानपुर प्रहरीले जानकारी दिएको छ। बाबुको दुर्घटनामा मृत्यु भएको र आमा सम्पर्कविहीन भएपछि ती बालिका बालगृहमा बस्दै आएकी थिइन् ।

मकवानपुर प्रहरीका अनुसार राउतलाई काठमाडौंबाट पक्राउ गरि मकवानपुर लगिएको हो। पक्राउ परेका राउतलाई आज मकवानपुर जिल्ला अदालतबाट थप गरिएको प्रहरीले जनाएको छ।  जिल्ला प्रहरी कार्यालय मकवानपुरमा राउतविरुद्ध असार ८ गते ती बालिकाले जाहेरी दर्ता गरेपछि प्रहरीले राउतलाई पक्राउ गरेको हो।

प्रहरीका अनुसार गत जेठ १ गतेदेखि २८ गतेसम्म पटक–पटक राउतले ती बालिकालाई बलात्कार गरेको जाहेरी परेको छ ।  राउतसँग थप अनुसन्धान भइरहेको जिल्ला प्रहरी कार्यालय मकवानपुरले जानकारीअनुसार दिएको छ।