दाङमा आफ्नै छोरीलाई बलात्कार गर्ने बाबु पक्राउ

दाङ ।आफ्नै छोरीलाई बलात्कार गरेको आरोपमा घोराहीमा एक जना बाबु पक्राउ परेका छन् । असार १७ गते ३९ बर्षीय बाबुले १६ बर्षीया छोरीलाई बलात्कार गरेको उजुरीका आधारमा बाबु पक्राउ परेको प्रहरीले जानकारी दिएको छ।

जतिखेर ती किशोरीकी आमा रोजगारीको सिलशिलामा भारतमा थिइन । आँफुमाथि बाबुले गरेको अत्याचार बारे छोरीले आमालाई फोन गरि भनेकी थिइन । छोरीले नै आमालाई तुरुन्त घर आउन आग्रह गरेकी थिइन ।

आमा घर फर्किएपछि सबै कुरा छोरीसंग बुझेर असार ३ गते जिल्ला प्रहरी कार्यालयमा पुगेर आफ्नै पतिबिरुद्ध बलात्कार सम्बन्धि मुद्दा दायर गरेकी थिइन ।

त्यसपछि प्रहरीले आरोपितलाई पक्राउ गरेको थियो । पीडितकी बहिनीले बुवाले दिदी माथि जबरजस्ती गरेको प्रत्यक्ष आँफुले देखेको प्रहरी समक्ष बयान दिएको जिल्ला प्रहरी प्रबक्ता डिएसपी चक्रबहादुर शाहले जानकारी दिएका छन् ।

त्यसअघि पनि बाबुले छोरीमाथि पटक पटक यौन हिंसा जन्य गतिबिधि गर्दैै आएको पीडितले बताएकी छन् ।
आरोपित बाबुमाथि बलात्कार सम्बन्धि मुद्दा चलाइ सकिएको छ ।

जिल्ला अदालतले आइतबार अरोपित बिरुद्ध अनुसन्धान गर्न पहिलो पटक पाँच दिनको म्याद दिएको छ ।