थुक्पा किन्न जाँदै गरेकी १६ वर्षीया किशोरीलाई बलात्कार गर्ने ३७ वर्षीय युवक कारागार चलान

काठमाडौं । घर नजिकै पसलमा थुक्पा किन्न जाँदै गरेकी १६ वर्षीया किशोरीलाई बलात्कार गरेको आरोपमा एक युवकलाई कारागार चलान गरिएको छ।

संखुवासभा अदालतले जिल्लाको मकालु गाउँपालिका-३ हेदाङ्नास्थित मानेडाँडाका ३७ वर्षीय धर्मबहादुर गजमेरलाई बलात्कारको आरोपमा पुर्पक्षका लागि कारागार चलान गरेको जिल्ला प्रहरी कार्यालयले जानकारी दिएको छ।

गत बैशाखमा एक साँझ घर नजिकैको थुक्पा पसलमा थुक्पा लिन जाँदै गरेको अवस्थामा गजमेरले ती किशोरीको बाटो छेकेर एकान्त ठाँउमा लगेर बलात्कार गरेको उजुरीका आधारमा प्रहरीले उनलाई साउन ८ गते पक्राउ गरेको जनाएको छ।

साउन ८ गते गजमेरलाई पक्राउ गरेर सबै अनुसन्धान पश्चात् प्रहरीले उनलाई  संखुवासभा अदालतमा पेश गरेको थियो। अदालतले गजमेरलाई बलात्कार गरेको आरोपमा शुक्रबार पुर्पक्षका लागि कारागार चलान गरेको संखुवासभा प्रहरीले जानकारी दिएको छ।