एमाले नेता ऐन महरविरुद्ध अदालतमा मुद्दा दर्ता

काठमाडौं । नेकपा एमालेका केन्द्रिय सदस्य ऐन महरविरुद्ध अदालतमा मुद्दा दर्ता भएको छ। जिल्ला सरकारी वकिल कार्यालयले एमाले नेता महरविरुद्ध मुद्दा गरेको हो।

नेता महरविरूद्ध सरकारी वकिल कार्यालयले साइबर अपराधअन्तर्गत काठमाडौँ जिल्ला अदालतमा मुद्दा दायर गरेको हो।

महरलाई एक महिलामाथि सामाजिक सञ्जालमार्फत चरित्रहत्या गरेको आरोप लागेको छ।  उनीविरुद्ध विद्युतीय कारोबार ऐन २०६३ को दफा ४७ अनुसार कसुरमा मुद्दा दर्ता भएको हो ।अब प्रतिवादी महर अदालतमा हाजिर भएपछि थुनामा पठाउने वा धरौटीमा छाड्ने वा हाजिर जमानीमा राख्ने भन्नेबारे थुनछेक हुनेछ ।

महरलाई भदौ ११ गते सरकारी वकिल कार्यालयले हाजिरी जमानीमा छाडेको थियो।