खाना खाइरहेका युवकमाथि चक्कु प्रहार, आक्रमणकारीहरुको खोजी जारी

काठमाडौं । होटेलमा खाना खादै गरेका युवकमाथि चक्कु प्रहार भएको छ। चक्कु प्रहारबाट ३२ वर्षीय युवक घाइते भएका छन् । 

कैलालीको गोदावरी नगरपालिका-४ स्थित शुभम् होटलमा खाना खाइरहेका बेला डडेल्धुराको नवदुर्गा गाउँपालिका-२ का ३२ वर्षीय गौरव ऐरमाथि चक्कु प्रहार भएको कैलाली प्रहरीले जनाएको छ।

कैलाली प्रहरीले दिएको अनुसार ऐर होटलमा खाना खाइरहेका बेला ४-५ जनाको समूहमा आएका व्यक्तिहरूले उनीमाथि चक्कु प्रहार गरेका थिए।

चक्कु प्रहारबाट घाइते ऐरलाई थप उपचारका लागि भारत पठाइएको कैलाली प्रहरीले जानकारी दिएको छ। चक्कु प्रहार गर्ने आक्रमणकारीहरू हाल फरार रहेपनि उनीहरुको पहिचान खुलिसकेकाले खोजी जारी भइरहेको जिल्ला प्रहरी कार्यालय कैलालीले जनाएको छ।