ट्याङ्करको ठक्करबाट स्कुटर चालकको मृत्यु,पछाडि सवार दुई युवक घाइते

काठमाडौं । तेल ट्याङ्करले स्कुटरलाई ठक्कर दिदा एक जनाको मृत्यु भएको छ भने दुई जना घाइते भएका छन् । 

प्रहरीका अनुसार मृत्यु हुनेमा नवलपुरको मध्यबिन्दु नगरपालिका-१३ मैनाघाटका ४२ वर्षीय बिरबहादुर सिँजाली रहेका छन् । दुर्घटनामा गम्भीर घाइते भएका स्कुटर चालक सिंजालीलाई उद्धार गरी उपचारका लागि मध्यबिन्दु प्रादेशिक अस्पताल लगिएकोमा चिकित्सकले मृत घोषणा गरेको प्रहरीले जानकारी दिएको छ । 

सोही दुर्घटनामा स्कुटरको पछाडि सवार मध्यबिन्दु-७ अम्रसाका २३ वर्षीय चन्द्रबहादुर गाहा र मध्यबिन्दु-९ वसन्तपुर बस्ने ३१ वर्षीय समीरजंग कुमाल घाइते छन् ।उनीहरूको मध्यबिन्दु प्रादेशिक अस्पतालमै उपचार भइरहेको प्रहरीले  जनाएको छ ।

प्रहरीले दिएको जानकारी अनुसार आज बिहान  चोरमाराबाट अरुणखोलातर्फ जाँदै गरेको लु५५प २९४८ नम्बरको स्कुटरलाई नारायणगढबाट बुटवलतर्फ जाँदै गरेको लु१ख ६६३४ नम्बरको तेल ट्याङ्करले मध्यविन्दु नगरपालिका- ८ गडारखोला नजिकै ठक्कर दिएको हो । 

दुर्घटनामा ट्याङ्कर पल्टिएर सडक मुनि पुगेको छ भने ट्याङ्कर चालक सल्यानका ४७ वर्षीय खलकराम भण्डारीलाई नियन्त्रणमा लिएर दुर्घटनाकारे अनुसन्धान गरिरहेको प्रहरीले जानकारी दिएको छ ।