दुर्गा प्रसाईंलाई रिहा गर्न सर्बोच्च अदालतको आदेश

काठमाडौँ । सर्वोच्च अदालतले मेडिकल व्यवसायी तथा अभियन्ता दुर्गा प्रसाईंलाई थुनामुक्त गर्ने आदेश जारी गरेको छ।

आइतबार सर्वोच्चका न्यायाधीश डा‍. नहकुल सुवेदी र श्रीकान्त पौडेलसमेतको संयुक्त इजलासले प्रसाईंलाई हिरासतमुक्त गर्न निर्देश जारी गरेको हो।

राष्ट्र, राष्ट्रियता, धर्म–संस्कृति तथा नागरिक अधिकार संरक्षणका लागि सञ्चालन हुँदै आएको महाअभियानका संयोजकसमेत रहेका प्रसाईं मंसिर २ गते राति भक्तपुरस्थित आफ्नो निवासबाट पक्राउ परेका थिए।