बलात्कार मुद्दामा १३ वर्ष जेल सजाय पाएका फरार अभियुक्त सञ्जिव पक्राउ

काठमाडौं । बलात्कार मुद्दामा १३ वर्ष कैद सजाय तोकिएका फरार अभियुक्तलाई प्रहरीले पक्राउ गरेको छ। पक्राउ पर्नेमा धादिङको धुनीबेशी नगरपालिका–१ घर भएका ३४ वर्षीय सञ्जिव परियार उर्फ राजेन्द्र दर्जी रहेका छन्।

नेपाल प्रहरीको केन्द्रीय अनुसन्धान ब्यूरो (सीआईबी) को टोलीले उनलाई काठमाडौं क्षेत्रबाट पक्राउ गरेको हो। बलात्कार कसुरमा दोषी ठहर भई १३ वर्ष कैद सजाय तोकिएपछि उनी २०७४ साल असोज १ गतेदेखि सुन्धारा कारागारमा कैद भुक्तान गर्दै आएका थिए।

सीआईबीका सहप्रवक्ता नीरञ्जनदत्त भट्टका अनुसार जेनजी आन्दोलनका क्रममा कारागारबाट फरार भएका परियारलाई पुनः नियन्त्रणमा लिई सुन्धारा कारागार पठाइएको छ।