धारिलो हतियार प्रहार गरेर २० वर्षीया युवतीको हत्या

काठमाडौं । एक युवतीको धारिलो हतियार प्रहारबाट हत्या भएको छ। म्याग्दीको धवलागिरि गाउँपालिका–७ सिवाङ झिनडाँडाकी २० वर्षीया पुनमाया विकमाथि धारिलो हतियार प्रहार गरेर हत्या भएको हो।

प्रहरीका अनुसार साढे १० बजेतिर घर बाहिर निस्किएकै समयमा अज्ञात व्यक्तिले पछाडिबाट एक्कासि आक्रमण गरेका थिए। गम्भीर घाइते भएकी विकलाई तत्काल उपचारका लागि बेनी अस्पताल पुर्‍याइए पनि उपचारकै क्रममा उनको मृत्यु भएको प्रहरीले जनाएको छ।

घटनाको जानकारी पाएलगत्तै प्रहरी टोली घटनास्थलमा पुगेर प्रारम्भिक अनुसन्धान सुरु गरेको छ। हत्यामा संलग्न व्यक्ति वा व्यक्तिहरूको पहिचान तथा पक्राउका लागि खोजी कार्य तीव्र पारिएको म्याग्दी प्रहरीका डीएसपी सूर्यबहादुर थापाले जानकारी दिएका छन् ।