१ अर्ब बढीको क्रिप्टो करेन्सी कारोबार प्रकरणमा बाँकेका नरेश रेउलेसहित तीन जना पक्राउ
काठमाडौं । अवैध रूपमा क्रिप्टो करेन्सी कारोबार गरेको आरोपमा प्रहरीले तीन जनालाई पक्राउ गरेको छ। उनीहरूको साथबाट १५ लाख ३० हजार रुपैयाँ नगदसमेत बरामद गरिएको छ।
काठमाडौं उपत्यका अपराध अनुसन्धान कार्यालयको टोलीले भारतको पश्चिम बंगालका प्रवेश अली, बाँकेको नेपालगन्ज उपमहानगरपालिका - २० का नरेश रेउले र सर्लाहीको ईश्वरपुर नगरपालिकाकी दिप्ती पोखरेललाई पक्राउ गरेको हो।
प्रहरीले सुरुआतमा चैत ६ गते सामाखुशी क्षेत्रबाट नरेश रेउलेलाई नियन्त्रणमा लिएको थियो। उनलाई सोधपुछ गर्ने क्रममा अन्य दुई जना संलग्न रहेको खुलेपछि दिप्ती पोखरेल र प्रवेश अलीलाई समेत पक्राउ गरिएको प्रहरीले जनाएको छ।
अनुसन्धानका क्रममा उनीहरूको मोबाइल फोनमा बाइनान्स आइडी फेला परेको थियो, जसमा आपसी रूपमा १ अर्ब ३६ करोड ८० लाख ४५ हजार ५८० रुपैयाँ बराबरको कारोबार भएको देखिएको छ।
प्रहरीले यस सम्बन्धमा थप अनुसन्धान अगाडि बढाएको जनाएको छ।
लागुऔषधविरुद्ध प्रहरी कारबाही: विभिन्न स्थानबाट १० जना पक्राउ
सोमबार, चैत ९, २०८२
सीमा पारीबाट अवैध रूपले ल्याइएको सामान बर्दिया प्रहरीको नियन्त्रणमा
आइतबार, चैत ८, २०८२
निर्वाचन सुरक्षामा उत्कृष्टता देखाएका बाँके प्रहरी प्रमुख अंगुर जिसी पुरस्कृत
आइतबार, चैत ८, २०८२- लागुऔषधविरुद्ध प्रहरी कारबाही: विभिन्न स्थानबाट १० जना पक्राउ
- राप्तीसोनारीको डाँडाटेपरीमा मोटरसाइकल दुर्घटना, ३३ वर्षीय युवकको मृत्यु, चालक नियन्त्रणमा
- १ अर्ब बढीको क्रिप्टो करेन्सी कारोबार प्रकरणमा बाँकेका नरेश रेउलेसहित तीन जना पक्राउ
- रुखबाट लडेर मृत्यु भएको भनिएका सौरवको हत्या भएको खुलासा
- वैदेशिक रोजगारीको प्रलोभनमा पारेर युरोप पठाउने भन्दै लाखौं रुपैयाँ ठगी गर्ने ५ जना पक्राउ
