नेपाल प्रहरीले खुलायो ठुलो संख्यामा भर्ना (सूचनासहित)

काठमाडौं । नेपाल प्रहरीले विभिन्न प्राविधिक क्षेत्रका लागि ठूलो संख्यामा नयाँ जनशक्ति भर्ना प्रक्रिया अघि बढाएको छ। प्रहरी प्रधान कार्यालयअन्तर्गत मानवस्रोत विकास विभागले शुक्रबार सार्वजनिक सूचना जारी गर्दै रिक्त रहेका प्राविधिक पदहरूमा आवेदन खुलाएको जनाएको हो।

जारी सूचनाअनुसार प्राविधिक प्रहरी निरीक्षक, प्राविधिक प्रहरी नायब निरीक्षक, प्राविधिक प्रहरी सहायक निरीक्षक तथा प्राविधिक प्रहरी जवान पदहरूमा दरखास्त माग गरिएको छ। सूचना प्रविधि, सञ्चार, भौतिक पूर्वाधार, सवारी व्यवस्थापन, केन्द्रीय विधि विज्ञान प्रयोगशाला, स्वास्थ्य सेवा तथा संगीत लगायतका विभिन्न विधामा जनशक्ति आवश्यक रहेको प्रहरीले उल्लेख गरेको छ।

आवेदन दिन इच्छुक तथा आवश्यक योग्यता पुगेका नागरिकहरूले अनलाइन फाराम भर्नुपर्ने व्यवस्था गरिएको छ।