सल्यानमा १५ वर्षीया बालिकालाई जबरजस्ती करणी गरेको आरोपमा धन बहादुर पक्राउ

सल्यान। १५ वर्षीया बालिकालाई जबरजस्ती करणी गरेको आरोपमा प्रहरीले एक युवकलाई पक्राउ गरेको छ।

प्रहरीका अनुसार सल्यानमा जबरजस्ती करणी गरेको आरोपमा कुमाख गाउँपालिका-५ झारकाँडा बस्ने ३२ वर्षीय धन बहादुर थापालाई पक्राउ गरिएको हो ।

धन बहादुरले ती बालिकालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय रागेचौरबाट खटिएको प्रहरीले उनलाई पक्राउ गरेको हो । 

आइतबार पक्राउ परेका धन बहादुरसँग घटनाका बारेमा थप अनुसन्धान भइरहेको र आज कार्यालय खुलेपछि सल्यान अदालतबाट म्याद थप गरिने प्रहरीले जनाएको छ।