भरुवा बन्दुकसहित शेर बहादुर प्रहरीको नियन्त्रणमा

सुर्खेत । प्रहरीले  एक थान भरुवा बन्दुकसहित ५३ वर्षीय शेर बहादुर रानालाई पक्राउ गरेको छ। 

सुर्खेतको बराहताल गाउँपालिका-४ छाप्रे बस्ने ५३ वर्षीय शेर बहादुरलाई एकनाले एक थान भरूवा बन्दुकसहित प्रहरीले पक्राउ गरेको प्रहरी प्रधान कार्यालयले जनाएको छ।

प्रहरी प्रधान कार्यालयका अनुसार अस्थायी प्रहरी पोष्ट तरंगाबाट खटिएको प्रहरीले उनको घर तलासी गर्दा उक्त बन्दुक फेला पारी पक्राउ गरेको हो ।

शुक्रबार पक्राउ परेका उनीविरुद्ध सुर्खेत प्रहरीले आवश्यक अनुसन्धान गरिरहेको प्रहरी प्रधान कार्यालयले जनाएको छ।