भरुवा बन्दुक र मृगको मासुसहित नोखिराम दाङ प्रहरीको नियन्त्रणमा

दाङ। दाङ प्रहरीले भरुवा बन्दुकर मृगको मासुसहित एक जनालाई नियन्त्रणमा लिएको छ।

प्रहरी प्रधान कार्यालयका अनुसार बबई गाउँपालिका-५ खएर भट्टी बस्ने ५० वर्षीय नोखिराम खड्कालाई एक थान भरूवा बन्दुक र २ किलो मृगको मासुसहित पक्राउ गरेको हो । 

इलाका प्रहरी कार्यालय हापुरेबाट खटिएको प्रहरीले उनको घर नजिकै रहेको गोठबाट उक्त बन्दुक फेला पारी उनलाई पक्राउ गरेको प्रहरी प्रधान कार्यालयले जनाएको छ।

दाङ प्रहरीले पक्राउ परेका खड्कासँग थप आवश्यक अनुसन्धान गरिरहेको प्रहरी प्रधान कार्यालयले जनाएको छ।