६ लाख भारुसहित नरैनापुरका दुई युवक बाँके प्रहरीको नियन्त्रणमा

बाँके । बाँकेको नेपालगन्जबाट लाखौं अवैध भारतीय नोटसहित प्रहरीले दुई जना युवकलाई पक्राउ गरेको छ।

विशेष सूचना पाएर जिल्ला प्रहरी कार्यालय बाँकेबाट खटिएको टोल नेपालगन्ज-३ एकलैनीबाट ६ लाख नगद भारतीय रुपैयाँसहित दुई जनालाई पक्राउ गरेको हो।

बाँके प्रहरीका अनुसार पक्राउ पर्नेमा नरैनापुर गाउँपालिका-५ का २९ वर्षीय बिरवल कुम्हार र सोही गाउँपालिका-४ का ३८ वर्षीय मुनिव खाँ रहेका छन् ।

बाँके प्रहरीको टोलीले शुक्रबार दिउँसो उक्त ६ लाख भारुसहित उनीहरुलाई नियन्त्रणमा लिएर थप अनुसन्धानका लागि राजस्व अनुसन्धान कार्यालय कोहलपुर पठाइएको जिल्ला प्रहरी कार्यालय बाँकेले जनाएको छ।