जबरजस्ती करणीको आरोपमा ३२ वर्षीय युवक पक्राउ

जाजरकोट। २० वर्षीया महिलालाई जबरजस्ती करणी गरेको अभियोगमा प्रहरीले एक युवकलाई पक्राउ गरेको छ।

प्रहरी प्रधान कार्यालयका अनुसार पक्राउ पर्नेमा जाजरकोटको भेरी नगरपालिका-१३ बस्ने ३२ वर्षीय खिमराज बटाला रहेका छन् ।

खिमराजले ती महिलालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय जगतीपुरबाट खटिएको प्रहरीले उनलाई पक्राउ गरेको हो ।

जाजरकोट प्रहरीले घटनाका बारेमा आवश्यक अनुसन्धान गरिरहेको प्रहरी प्रधान कार्यालयले जनाएको छ ।