घरायसी विवादमा बाबुको चक्कु प्रहारबाट छोराको मृत्यु

काठमाडौं ।  घरायसी विवादमा क्रममा बाबुको चक्कु प्रहारबाट छोराको मृत्यु भएको छ।

रुपन्देहीको तिलोत्तमा नगरपालिका–१० मैनिहवामा भएको घटनामा ४५ वर्षीय सहसराम चौधरीले आफ्नै २१ वर्षीय छोरा सरोज चौधरीमाथि चक्कु प्रहार गरेको प्रहरीले जनाएको छ।

प्रहरीका अनुसार गम्भीर घाइते भएका सरोजलाई सुरुमा क्रिमसन अस्पतालमा प्राथमिक उपचार गरिएपछि थप उपचारका लागि भैरहवास्थित मेडिकल कलेज पठाइएको थियो। उपचारकै क्रममा उनको मृत्यु भएको प्रहरीले जनाएको छ।

घटनापछि सहसरामलाई प्रहरीले नियन्त्रणमा लिएको छ। घटनाको कारण र अन्य विवरणबारे थप अनुसन्धान भइरहेको जिल्ला प्रहरी कार्यालय रुपन्देहीले जनाएको छ।