नेभिगेशन
ट्राफिक प्रहरी

१ महिनामै १२ हजार ९६७ सवारीचालक कारबाहीमा, मापसेको संख्या सबैभन्दा बढी

काठमाडौँ ।  एक महिनाको अवधिमा ट्राफिक नियम उल्लङ्घन गर्ने १२ हजार ९६७ जना सवारीचालक ट्राफिक प्रहरीको कारबाहीमा परेका छन्। तीमध्ये सबैभन्दा बढी चालक मादकपदार्थ सेवन (मापसे) गरी सवारी चलाउने रहेको पाइएको छ।

काठमाडौँ उपत्यका ट्राफिक प्रहरी कार्यालयका अनुसार कात्तिक १ देखि २९ गतेसम्म मापसे गरी सवारी चलाउने २ हजार ८९२ जना चालक कारबाहीमा परेका छन्। यस्तै, लागुपदार्थ सेवन ९लापसे० गरी सवारी चलाउने ७८ जना चालकसमेत प्रहरीको कारबाहीमा परेका छन्।

कार्यालयका प्रवक्ता एवं प्रहरी उपरीक्षक नरेशराज सुवेदीका अनुसार मादक तथा लागुपदार्थ सेवन गरेर सवारी चलाउँदा सडक दुर्घटनाको जोखिम बढ्ने भएकाले प्रहरीले नियमित जाँच र निगरानीलाई निरन्तरता दिँदै आएको छ।

मापसे तथा लापसे गरी सवारी चलाउनु कानुनविपरीत कार्य हो। सवारी तथा यातायात व्यवस्था ऐन, २०४९ लगायत प्रचलित कानुनी व्यवस्थाअनुसार यस्तो कार्यमा संलग्न चालकलाई कारबाही गर्ने प्रावधान छ।

ट्राफिक प्रहरीले सवारीचालकलाई नियमको पालना गर्न र मादक तथा लागुपदार्थ सेवन गरेर सवारी नचलाउन आग्रह गरेको छ।

प्रकाशित मिति:
प्रतिक्रिया दिनुहोस्