नेभिगेशन
नेपाल प्रहरी

तुलसीपुरको जुवाखालमा प्रहरीको छापा, साढे ५ लाख रुपैयाँसहित १५ जना जुवाडे पक्राउ

दाङ । दाङको तुलसीपुरमा जुवातास खेलिरहेको अवस्थामा प्रहरीले १५ जनालाई पक्राउ गरेको छ। उनीहरूको साथबाट प्रहरीले ५ लाख ३० हजार रुपैयाँभन्दा बढी नगद र १२ बुक तास बरामद गरेको छ।

इलाका प्रहरी कार्यालय तुलसीपुरका अनुसार तुलसीपुर उपमहानगरपालिका–५ स्थित स्थानीय तेजबहादुर डाँगीको घरमा जुवातास भइरहेको सूचनाका आधारमा प्रहरीले गएराति करिब ११ः३० बजे छापा मारेको थियो। सो क्रममा जुवाखालमा संलग्न १५ जनालाई नियन्त्रणमा लिइएको हो।

प्रहरीले घटनास्थलबाट ५ लाख ३० हजार २४५ रुपैयाँ नगद र १२ बुक तास बरामद गरेको जनाएको छ। पक्राउ परेकाहरूमाथि थप अनुसन्धान भइरहेको र उनीहरूलाई इलाका प्रहरी कार्यालय तुलसीपुरमा राखिएको प्रहरीले जनाएको छ।

दाङमा जुवातासविरुद्ध प्रहरीले पछिल्लो समय कारबाही तीव्र बनाएको छ। यसअघि कात्तिक २८ गते मात्रै घोराही उपमहानगरपालिका–१८ नवलपुरस्थित बसन्त बुढाथोकीको घरबाट ९ जना र घोराही–१५ जानकी टोलस्थित भुपबहादुर डाँगीको घरबाट ८ जना जुवातास खेलिरहेको अवस्थामा पक्राउ परेका थिए। पछिल्ला घटनाक्रमले दाङका विभिन्न स्थानमा घरभित्रै जुवातास खेल्ने गतिविधि भइरहेको देखाएको छ।


 

प्रकाशित मिति:
प्रतिक्रिया दिनुहोस्