ठुलो परिमाणमा लागुऔषधसहित ललितपुरबाट दुई युवक पक्राउ

ललितपुर । प्रहरीले ललितपुरबाट लागुऔषधसहित दुई जनलाई पक्राउ गरेको छ।

भैसेपाटिबाट खटिएको टोलीले  मकवानपुर घर भई नख्खु बस्ने ३० वर्षीय सुजनसिंह ठकुरी र रामेछाप घर भई बल्खु बस्ने ३० वर्षीय बिन्दा तामाङलाई ललिपुर महानगरपालिका-२५ नख्खुबाट पक्राउ गरेको जिल्ला प्रहरी परिसर ललितपुरले जनाएको छ।

प्रहरीले उनीहरूको साथबाट १९० नुर्फिन, १९० फेनारन, १९० डाइजपाम, ट्रामाडोल ६६ प्रयोग भएका तथा नभएका सिरिन्जहरू बरामद गरेको हो।

प्रहरीका अनुसार उनीहरूले प्रयोग गरेको एउटा मोटरसाइकलसमेत बरामद गरेको जिल्ला प्रहरी परिसर ललितपुरले जनाएको छ । पक्राउ परेका सबैसँँग थप अनुसन्धान गरिरहेको जनाएको छ।