कर्णाली प्रदेशका डीआईजी चन्द हेडक्वाटर तानिए

काठमाडौं । कर्णाली प्रदेशको कमान्ड सम्हालेका नेपाल प्रहरीका डीआईजी अर्जुन चन्द ठकुरीलाई हेडक्वाटर फिर्ता बोलाइएको छ ।

डीआईजी चन्दले मदिरा पिएर प्रहरी आचरण विपरीत गतिविधि गरेको आरोपमा उनलाई प्रहरी प्रधान कार्यालय ( हेडक्वाटर ) तानेर कर्णाली प्रदेशको नयाँ प्रहरी प्रमुखका रूपमा अर्का डीआईजीलाई पठाइएको छ ।

प्रहरी प्रधान कार्यालयका अनुसार मन्त्रीस्तरीय निर्णयबाट डीआईजी ठकुरीलाई हेडक्वाटरको अपराध अनुसन्धान विभागमा सरुवा सरुवा गरिएको हो । 

कर्णालीको नयाँ प्रहरी प्रमुखमा डीआईजी जनक भट्टराईलाई पठाइएको छ भने भरतपुरस्थित तालिम शिक्षालयमा डीआईजी राजेशनाथ बास्तोलाको सरुवा भएको छ।